Syndication30 Oct 2008 - 16:03:50
U pass'è veni - TITOU pass’è veni
Una parulla prufessata à core apertu
Una dumanda da u tempu ricamata
Una risposta tantu aspettata
A stonda incatenata di un sintimu offertu...
Un mumentu arrubbatu à u tempu
Un sicretu di l’ora spasimata
Un avvene tal’una stella nata
D’amore incurunata è di sperenze attempu...
L’amore face u pass’è veni
Tempi rimori, tempi sereni
Chì u culore di dumane
Fussi quellu di e calmane...
Una parulla ch’in silenziu risona
Una dumanda chjappata à l’ispensata
Una risposta chì si vole liberata
A passione ricusata ingrisgisce a canzona...
Un mumentu chjamatu da lu veru
Un sicretu tenutu à voce mute
Un avvene chì d’un colpu si strughje
E chì corre è chì fughje lascienduci l’addisperu...
Una parulla prufessata à core apertu
Una dumanda da u tempu ricamata
Una risposta tantu aspettata
A stonda incatenata di un sintimu offertu...
Un mumentu arrubbatu à u tempu
Un sicretu di l’ora spasimata
Un avvene tal’una stella nata
D’amore incurunata è di sperenze attempu...
L’amore face u pass’è veni
Tempi rimori, tempi sereni
Chì u culore di dumane
Fussi quellu di e calmane...
Una parulla ch’in silenziu risona
Una dumanda chjappata à l’ispensata
Una risposta chì si vole liberata
A passione ricusata ingrisgisce a canzona...
Un mumentu chjamatu da lu veru
Un sicretu tenutu à voce mute
Un avvene chì d’un colpu si strughje
E chì corre è chì fughje lascienduci l’addisperu...
Cet article n'a pas de Commentaire pour le moment...