Syndication13 Sep 2008 - 16:00:14
U casellu di u rispettu - Carl'Antò GUASTALLI
U casellu di u rispettu
Sì à casu i to passi
Ti portanu in sta cuntrata
Sulchighjenduli i chjassi
Quassù sopra à a Parata
Viderai una bandera
Bianca inc’una stampa negra.
Un casellucciu à sulana
In un locu chì ùn hè male
A u so pede a so funtana
D’acqua fresca naturale
Accantu un chjarasgione
Face fronte à San Petrone.
In u tempu passatu
Quandu c’eranu i pastori
Di mani avianu arrizzatu
E à stenti di sudori
U casellu è u casgile
I muri di u piazzile.
U chjarasgiu forse tandu
Anch’ellu hè statu piantatu
Ma più nimu ùn pò dì quandu
Da tantu ch’ellu hè ingrussatu
Più d’un seculu hè sicura
Ch’ellu face quì friscura.
Fù tant’anni abbandunatu
Da l’omi senza primura
Allora si n’hè falatu
Ghjè lege di a natura.
Ma più fieru s’hè alzatu
Stu castellu di l’altura.
Oghje rifattu di novu
Ci ramenta a so storia
Ogni petra hà ritrovu
A piazza ch’era a soia.
Truverai agrottu è lettu
In u casellu di u rispettu.
Sì à casu i to passi
Ti portanu in sta cuntrata
Sulchighjenduli i chjassi
Quassù sopra à a Parata
Viderai una bandera
Bianca inc’una stampa negra.
Un casellucciu à sulana
In un locu chì ùn hè male
A u so pede a so funtana
D’acqua fresca naturale
Accantu un chjarasgione
Face fronte à San Petrone.
In u tempu passatu
Quandu c’eranu i pastori
Di mani avianu arrizzatu
E à stenti di sudori
U casellu è u casgile
I muri di u piazzile.
U chjarasgiu forse tandu
Anch’ellu hè statu piantatu
Ma più nimu ùn pò dì quandu
Da tantu ch’ellu hè ingrussatu
Più d’un seculu hè sicura
Ch’ellu face quì friscura.
Fù tant’anni abbandunatu
Da l’omi senza primura
Allora si n’hè falatu
Ghjè lege di a natura.
Ma più fieru s’hè alzatu
Stu castellu di l’altura.
Oghje rifattu di novu
Ci ramenta a so storia
Ogni petra hà ritrovu
A piazza ch’era a soia.
Truverai agrottu è lettu
In u casellu di u rispettu.
Cet article n'a pas de Commentaire pour le moment...