Nantu à a rena

Sò falatu nantu à a rena
Aghju vistu una zitella
Ch'appruntava a so cena
E si stava di per ella
Quant'ella m'hà fattu pena
D'esse sola è cusì bella. 

Mi n'hè sò calatu à cantu
Fendullu un bellu surisu
Ella n'hà fattu altr’è tantu
Ma per rendemi decisu
S'hà circatu un'altru cantu
Per fà mi scambià d'avisu.

Tù chì sì di Cursichella
Eu, ùn era Napuleone
Ma pè tè a mio zitella
Mi vogliu tuttu dispone
Vistu chì sì cusì bella
Prufitu di l'occasione.  

Mi pari bè degurditu
Tù per esse un paisanu
Avia dighja capitu
A vedeti da luntanu
Chì sò ti dava lu ditu
Tù ti pigliavi la manu.

0 cumè tù sì mal'pensà
Eiu sò bè allevatu
Facciu tuttu cun cuncenza
Cusì sò statu amparatu
Tanta puru la to scenza
Un faci micca un piccatu.

Hà da vene ancu u ghjornu
Di u grande viaghju à fà
Tutt'ognunu à u so tornu
Nimu a si pò francà
Prufitta di stu suggiornu
Perchè t'ai da privà

Un fideghja più faccia à l'altri
Perchè ognunu pensa à sè
Ma perchè ci avemu à privacci
Di sti più belli piacè
Veni in furia ch'eiu t'abbracci
E fà l'amore cun mè.

Dopu issa bella stondata
Chè n'aviamu passatu
Aghju dettu à quella fata
Ti vogliu resta featu
Ma ella si n' hè andata
E solu mi sò firmatu.

Agostini Austinu