Syndication04 Aoû 2008 - 13:42:08
E s'ellu era da rifà - TITO
S’ellu era da rifà
Ognunu aghjusta u so camminu
Ognunu sceglie i so chjassi
Per u luntanu è u vicinu
Paliseranu tutti li passi.
Da un celu neru à unu turchinu
Tuttu si ferma in u destinu.
E s’ellu era da rifà
Di chè u ghjornu serà statu
E s’ellu era da rifà
Forse l'avven' avia cambiatu
Quellu chì sempre curria
Denduci tantu di a so vita
Per pudè sperà a cumpagnia
Di a so cara preferita.
Di st’amore ch’ùn esistia
Di sta passione mai smarita.
E s’ellu era da rifà
Di chè u ghjornu serà statu
E s’ellu era da rifà
Forse l'avven' avia cambiatu
Quellu ch’hà sempre viaghjatu
Cun u parè di qualchissia
Cum’è guasi incatenatu
Chì di pace ùn ne gudia.
Un pensà tuttu cunsumatu
A rasgione messa a malavia.
E s’ellu era da rifà
Di chè u ghjornu serà statu
E s’ellu era da rifà
Forse l'avven' avia cambiatu
Quellu chì s’era spatriatu
Campendu luntanu à straziera
E chì paese hà chitatu
Per u travagliu è a galera.
Chì oghje ne addisperatu
D’avè lasciatu à so terra.
E s’ellu era da rifà
Di chè u ghjornu serà statu
Ma s’ellu era da rifà
Forse l'avven' avia cambiatu
Ma s’ellu era da rifà.
Ma s’ellu era da rifà.
;)