Syndication18 Jul 2008 - 14:59:04
E nove - Ghjuvan Terramu ROCCHI
E nove
Turchinu u to mare u to celu turchinu
Prufondi i to golfi stacciata a to rena
Un si ne pesa sole ch'o senti o cantilena
Chì di l'isule arcane furtunate è luntane
Si tù a più vicinu
Turchinu u to mare u to celu turchinu
Bella sì bella sì ùn hè quessu u misteru
Ma à noi quandu ci chjami da fà ci move in cantu
Ci tremi core in pettu chì daretu à u vantu
O Corsica ogni volta cova qualchì rivolta
E ci cresce penseru
Bella sì bella sì ùn hè quessu u misteru
Di to populu nunda o sinnò malastima
Li correnu e nove cum'è tante cundanne
Maculatu d'inchjostru spessu spostu à e sanne
Un serà degnu ellu ch'è di campà ribellu
O di fà cala è ghjimba
Di to populu nunda o sinnò malastima
Or venenu albighjate nantu à e to ferite
A pace à i to maghi da tuttu pattighjatu
Tù sie issu paese ch'è n'emu sunniatu
Apertu à l'altre sponde attente à chi risponde
Zenza circà ti lite
Or venenu albighjate nantu à e to ferite