Syndication11 Aoû 2008 - 13:22:35
A canzona di u ventu - TITO
A canzona di u ventu
A l’alba, l’arietta hà annunciatu
A meludia cusì fina
D’un passu dolc’è misuratu
D’un’andatura calm’è divina.
Tuttu ci pare sussuratu
Un soffiu alliscia la matina.
U soffiu alliscia a matina
E pocu à pocu pone l’accentu
Disceta l’onda cristallina
U mare aghjusta u muvimentu.
E face ballà a marina
Chì canta à meziornu lu ventu.
E canta à meziornu lu ventu
Accuncia u cantu incu manera
Si spanna ormai u mumentu
Vultula a fronda legera
E in un volu di turmentu
A timpesta ribomba à sera.
A timpesta ribomba à sera
Tal’un orchestru urganizatu
Un’armata chì parte in guerra
U celu si stende malatu
Spuntata hè a canzona vera
Chì l’arietta ci avia annunciatu.
Cet article n'a pas de Commentaire pour le moment...